WIIL UU DHALEY: Majaajiliiste Aw-Kuuku oo ay dileen Jabhadda Dowlad-ku-sheegga.

MUQDISHO SOOMAALIYA: Maalin ka hor waxaa nawaaxiga Tiyaatarkii Qaranka iyo Gurigii Hooyooyinka ee Muqdisho dil toogasho madaxa ah oo bareer ah loogu gaystey Wiil uu dhaley (Alle ha u naxaristee) Fanaankii/Abwaankii caan baxey ee ku magac dheera Aw-KuuKuu. Ciidanka Isbaaroleyda ayaa ku eedeeyay marxuunka inuu Al-shabaab ka tirsan yahay.

Wiilkan uu dhaley Aw-kuuku (Alle ha naxariistee) waxaa lagu magacaabi jiray Axmadey Aw-Kuuku wuxuuna ahaa wiil dhalinyaro ah oo aad u firfircoon, Dilka Axmadeey ayaa yimid ka dib markii uu si lama filaan ah ugu dhex dhacey Axmadeey ISBAARO u taaley halka lagu dilay marxuumka Jabhadda Dowlad-ku-sheegga ee ay taageeraan, aqoonsan yihiin ayna soo dhoodhoobtay waxa loogu yeero Bulshadda Caalamka/UNta iyo Mareykanka.

Sadax maalin ka hor Ururka reer Galbeedka ee isku sheega inuu yahay mid u dooda xuquuqda Bani-Aadamka ayaa sheegay in la joojiyo ama la yareeyo hubka sida sharci-daroda ah ee la siiyo Kooxda/Jabhadda Dowladda loogu yeero. Waxay sabab arintaa uga dhigeen in hubka la siiyo Jabhadda Dowlad-ku-sheegta inta badan waxyeello loogu gaysto shacabka aan waxba galabsan (Sida midaan bareerka loogu toogtay Axmadeey Aw-kuuku oo kale). Laakiin nasiib-daro markiiba waxaa boodey oo diiday codsigaas u Qaabilsanaha Dalka Mareykaanka Mr Johnny Carlson oo isagu ka masuulka ah hubeynta iyo taageerada Jabhadan Mooryaanta ah ee dadka Soomaaliyeed/Muqdisho xasuuqa ku wada har iyo habeen, iyo waliba Ciidanka shisheeye ee AMISOM ee xaquuqa dhankooda shacabka Soomaaliyeed uga haya.

JAMEECO waa RUNSHEEG