GOBOLKA GEDO: soo celinta bilicda iyo hantida Ummadda ee dhowaan la bilaabey waa tilaabo horusocod ah.

BELED-XAAWO Gobolka Gedo Soomaaliya: burburkii Dowlada ka dib, sida Dalkoo dhan ka dhacdey waxaa guryo iyo ganacsiba laga dhisay Jidadka ama Wadooyinka Magaalooyinka G/Gedo, waxaa kaloo jira dad iyagu degay lagana saari waayey Goobihii adeegga bulshada sida Iskuuladda iyo Goobo kale oo muhiim ah.

Hadaba, maalmahii tagey guud ahaan Gobolka Gedo waxaa ka socday howlo lagu nadiifinayo hareeraha wadooyinka sida sharciga darada ah looga dhistay Sandaqadaha/ganacsiga iyo guryo kaleba. hawshan ayaa sidii loogu tal lo galey ilaa hadda ku socota.

Maamulka islaamiga ah ee Gobolka Gedo ama Al-shabaab ee inta badan ka taliya Gobolka Gedo ayaa amaro dhowaan ay soo saareen ku farey dadka jidadka magaalooyinka G/haarey, Baardheere iyo Beled-xaawo ganacsiga/sandaqadaha ku leh inay muddo kooban uga guuraan. Sidoo kale waxay amreen Dadka wali ku dhex nool xarumihii Dowladda inay iyaguna isaga guuraan,

Maamulka Islaamiga ah ee Al-shabaab oo lagu yaqaan inay hirgaliyaan amaradooda ayaa sheegay cidii diida inay qasab uga rari doonaan, waxayna diyaariyeen Makiinadihii lagu xaaqi lahaa cidii amarka qaadan wayda.

XAQIIQ WAXAA AH haddii ay si wanaagsan ku dhamaato arintaan inay noqoneyso tilaabo horumar leh, oo aan hore loo arag. Waxaa sidoo kale hubaal ah in Magaalooyinka laga hirgalinaayo barnaamijkan ay wax wayn xagga bilicda iyo nadaafaduba iska bedeli doonaan. Dhanka kale waxaa la filayaa in Goobo muhiin ah oo awal dad waxma garato ahi ay ku habsadeen dib ugu soo noqon doonaan gacanta dadweynaha loogana faa'iideysan doono arimaha adeega bulshadda Gobolka gaar ahaan Iskuuladda iyo Goobaha caafimaadka.

Jameeco WAA Runsheeg